طبعاً خطوة جميلة ان يبقي فيه موبايل ابلكيشن واحد مجمعلك كل حاجة في جامعة السبوبة سوا من دعم فني لمحتوي الكورس نفسه للادوات لكل الاخبار الجديدة الخاصة بالكورس بلأضافة لأشعارات بتوصلك لأن من خبرتي دايماً اللي بيزرع في ارض غيره بيبقي مهدد وكون ان كل جروباتنا علي التيليجرام فقط مع ان ان شاء الله يعني ميحصلش اي حاجة .. بس لو حصل اي حاجة ومثلاً جروب اتقفل وقتها هنبقي فعلاً في مشكلة

وده حصل معايا في اكونتي علي الفيسبوك من سنة واكونتي علي تيك توك من كام شهر .. فبالتالي الاستثمار في منصات خاصة بيك سواء كان الويب سايت بتاعك او سواء كان الموبايل ابلكيشن بتاعك مبقاش رفاهية بحيث متبقاش تحت رحمة حد اياً كان مين هو .. وزي ما احنا عارفين الاستغلال الكامل فجأة شئ من واقعي وصعب .. لكن لا مانع ان دايماً تاخد خطوات في الاعتماد علي نفسك .. فمثلاً لو انت بتعمل محتوي بدايتك في انك تخرج من تحت هيمنه منصة زي فيسبوك وتبتدي تفتح في منصات تانية .. بعد ما يكون عندك في كل المنصات تبتدي تستثمر في الموقع الالكتروني بتاعك .. وبعد كدة تبتدي تستثمر في التطبيق بتاعك ودي الخطوة اللي احنا خدناها انهاردة

بس بصراحة مش ده بس الهدف اللي خلاني اعمل التطبيق ده .. لكن انا عملته عشان اشرح عليه ازاي ممكن تعمل تطبيق مشابه .. عشان كدة لو انت بتشوف الخبر ده دلوقتي ولسة فاتح التطبيق وبتجربه .. فانتظر شابتر جديد فيه جزء هيشرحلك وبالتفصيل الممل ازاي التطبيق ده اتعمل وازاي ممكن تعمل زيه سواء ليك او للبيزنس بتاعك او سواء حتي لعميلك وانت بتعمله الويب سايت تعرض عليه الموضوع فبالتالي المشروع ابو ٢٠٠ ولا ٣٠٠$ يبقي ب ٥٠٠$ ولا ٦٠٠$ .. فعموماً ان شاء الله لو وانت بتقرأ الكلام ده لسة منزلش الشابتر ده فتوقعو قريباً جداً .. بالتوفيق ليك يارب

Similar Posts

Leave a Reply

Your email address will not be published. Required fields are marked *