انا استراتيجي دايماً هتفضل قايمة علي فكرة التحسين .. انا عملت كورس ؟ جميل .. المهم بقي كل يوم انا بضيفلو ايه يساعدك ويقوي مهارتك في انك تكسب ( دولارات ) لأن هي دي القصة في الاخر وزي ما بقول ووهقول نجاحك من نجاحي .. انت لو نجحت وعملت فلوس انا كذلك هتكلم عليك واقول بصو احمد ولا محمد ولا ياسمين عمل ايه ولا عملت ايه ومكسر الدنيا ازاي او مكسره الدنيا ازاي وهحس ان مجهودي انا واكتر من ٥٠ فرد مراحش علي الارض .. لأن زي ما انت عارف كل تحديث جديد بنضيفه احنا اساساً مش بنبقي قايلين لحد عليه ومش بايعينه لحد وكان ابسط حاجة كل حاجة جديدة نضيفها نقعد نبيعها للناس ( وعلي فكرة في ناس كتيرة هتشتري وهنعمل فلوس وفلوس حلوة ) لكن القصة عمرها ما كانت فلوس معايا وانت عارف ده

فعشان كدة ضيفنا تحديث جديد مجاني لكل المشتركين وهو اضافة اليمينتس كيت .. والاضافة دي هتساعدنا في حاجتين

اولاً – تصميم المواقع الالكترونية .. لأن الاضافة بتوفرلنا اضافات جديدة نقدر نحطها من خلال المينتور برو ( اللي احنا برضو بنوفرهولك بشكل مجاني مكنتش موجودة قبل كدة.. فبالتالي تقدر تضيف امكانيات جديدة لموقعك مكنتش تقدر تتخيل انك تضيفها لموقعك الالكتروني ده غير ان اشكال الاضافات دي جذابة وهتخليك تعمل مواقع بتعمل حاجات مميزة تسهل علي العميل عملية البيع او حتي شغله ..

وثانياً بقي وهي ثيمات قيمة وشكلها جذاب مجانية بالكامل بحيث ميبقاش اعتمادك كله علي موقع انفاتو اليمينتس اللي احنا برضو بنوفره بشكل مجاني .. ولكن احنا بنزودلك الاختيارات بتاعتك فبالتالي شغلك يبقي متنوع اكتر وفيه اختيارات اكتر تقدر تقدمها لعميلك فبالتالي احتمالية اختيارك من العميل تبقي اكبر .. وبالتالي فلوس اكتر ان شاء الله

السكرين شوت اللي فوق من موقع انفاتو المينيتس اللي بنجيب منه الثيمات حالياً .. وزي ما انت شايف فيه فقط ٢٠٠٠ ثيم تقدر تركبهم علي الويب سايت بتاعك وبتختار بس منهم .. من دلوقتي عندك كمان في اليمينتس كيت ثيمز اضافية ( واجزاء من الثيمات ) تقدر تضيفها علي اي صفحة في المينتور فبالتالي بقي عندك الاستطاعة انك مش مجرد تجيب ثيم كامل جاهز بدون اي تعديل او اضافة .. لكن تقدر تبني الصفحة علي ايدك وتختار كل جزء منها بحيث يبين او يوضح الحاجة اللي انت عايز توضحها بسهولة وببساطة وباحترافية من غير ما تحس انك متقيد

دي بعض النماذج من الثيمات الاحترافية المتوفرة في الاضافة الجديدة وكل ده غير اننا هنحتاجها واحنا بنبني صفحات التطبيقات في الشابتر الجديد المختص بتطبيقات الموبايل وتصميمها .. واللي هنوفره ان شاء الله قريباً ده ان مكنتش وانت بتقرأ الخبر ده نكون وفرناه بالفعل ان شاء الله .. بس لو موفرنهوش فاعرف انه قريب جداً

Similar Posts

Leave a Reply

Your email address will not be published. Required fields are marked *