اه الكورس ده موجه للمبتدئين بالمقام الأول ، وفي نفس الوقت لو انت حاولت تشتغل اونلاين حتي ، هيبقي اضافة كبيرة ليك لأن معني انك ” حاولت ” وبتقرأ كلامي ده دلوقتي انك ” معرفتش تبيع اللي انت حاولت تتعلمه ” فبالتالي فكستله

وهو ده الغرض الأساسي للكورس ، اني ازاي ابيع المهارة وفي اثناء ذلك ” بعلمك المهارة نفسها ، او اللي محتاج تتعلمه عشان تبيعها 

افهم بس الأول المجال اللي انت عايز تتعلمه ده عايز تتعلمه ليه ؟ ، عشان في فلوس حلوة صح ؟ طيب وعرفت ازاي ان في فلوس حلوة ، هل جربت تبيع وتشوف هل هتلاقي حد هيشتري منك ولا لا ؟ 

لو اجابتك علي الكام سؤال دي زي ما انا متوقع ، فأنت الشخص اللي انا موجهله الكورس ده ، وده بسبب اني مش بس بشرح مهارة واحدة زي اغلب الكورسات الاونلاين ، لكن انا بديك خيوط معظم المهارات اللي ممكن تدخلك ” دخل اضافي/اساسي ” بالعملة الصعبة ، عدد المهارات دي اكتر من 10 مهارات بتبدء من الجرافيك ديزاين للويب سايت ديزاين للماركتنج والميديا باينج والافلييت ووغيرهم ، اكثر من 10 مهارات وان شاء الله يزيدو في المستقبل ، بلأضافة اني بقترح عليك كورسات في كل موضوع علي حدي بحيث لو بيعت واتأكدت ان في سوق ” لمجالك ” تبتدي تتعلم ، بس وقتها مش هتبقي مضغوط ، او هتتعلم ” كلام ملوش علاقة بالواقع ” انت هتتعلم اللي انت محتاجه عشان في عميل ” طالبه ” ودي الطريقة اللي انا اتعلمت بيها علي مدي 13 سنة بشتغل فيهم اونلاين

بلأضافة ان رحلتنا/تواصلنا مش هينتهي بمجرد ما تخلص الكورس ان شاء الله ، ولكن هيبقي في جروب مجمعنا بنقدر من خلاله نستفيد من بعض ونسأل بعض ونشجع بعض

مبروك انت مشيت نص الطريق ، هدفي ” الخفي ” اللي مش قايله في اي حتة ، وبدعي ربنا يوفقني اخلي الناس توصله ، وهو اني افهم الناس تفكير البيزنس ، وتبديل ” بيع الوقت ” الي ” بيع القيمة ” بس هل نقدر نبدء اصحاب مشاريع ؟ بالتأكيد لأ

لأن لازمك مهارات كتيرة تتعلمها ، ورأس مال تكونه ، وعلاقات تستثمر فيها عشان يبقي طريقك سهل ، لأن طريق البيزنس صعب ومش سهل 

عشان كدة في الكورس انا بعرضلك نماذج لمشاريع ” ناجحة ” كتيير اونلاين ، وبعرضلك افكار مختلفة تقدر تكتسب منها ما يسمي ” الدخل السلبي  او الدخل المحايد ” وهو الدخل الغير معتمد علي وقتك ، ولكنه معتمد علي السيستيم اللي انت بتبنيه ، والموظفين اللي انت بتدربهم ، ورأس المال اللي انت بتستثمره في المشروع ، وان شاء الله اقدم الدعم اللازم لكل الاشخاص اللي هتقرر بعد ما تكمل وتستثمر في الكورس ده انها تفتح مشاريعها الخاصة – بكل الاشكال والطرق 

• اسمي محمد جمال هلال ، اتخرجت من كلية الهندسة ، جامعة عين شمس – قسم ميكانيكا انتاج ، بيعت اول تصميم عملته ب 240 ج في 2011 وقتها اتعلمت حبة فوتوشوب وابتديت اعمل تصميمات وابيعها ، ووبعدها روحت اتجهت لتصميم المواقع وعملت فيه نجاحات ملحوظة لغاية اما
• اسست اول شركة عملتها في حياتي وهي شركة لتصميم المواقع اسمها بيديا فور ويب ، وعملنا وقتها اكتر من موقع لعملاء كتير داخل مصر اكبرهم علي المستوي الاقليمي ” جامعة الدول العربية ” ، وخدت اكبر شيك استلمته في حياتي وقتها كان ب 2500$ ، كان الدولار ب 8 ج ، وبعدها غيرت اسمها ل جراي ايجي ، ولسة شغالة الي اليوم ، ولكن مجالنا الرئيسي اصبح في التسويق الالكتروني ، وعندنا عدد عملاء كويس الحمد لله ، ونمتلك الكثير من الأصول الرقمية اللي بتخلينا نوصل شهرياً لأكثر من 15 مليون مشاهدة لمحتوانا علي مختلف صفحاتنا – جروباتنا – الخ
• اشتغلت في مجالات مختلفة ومتنوعة اكثرهم تركيزا كان مجال التجارة الالكترونية واللي فيه اشتغلت بكل الاشكال تقريباً ، كنت ببيع منتجات مستوردة ، واتجهت للتنصيع فترة ، شاركت في شركة شحن اسمها اوبي ، عملت سيستيم لأدارة مشاريع التجارة الالكترونية اسمه تاجر لأدارة المتاجر الالكترونية، كنت تاجر فترة وبورد لأكثر من عميل ، بيعت اكثر من 100 منتج مختلفين عن طريق الاف الاعلانات وحصلت علي الاف الطلبات وكل ده عن طريق الاونلاين . ودي بعض من الحجات اللي اسستها ، اللي بالمناسبة كتيير منه مكملش لكن استفدت منه خبرات وعلاقات اتشرف بيها اليوم وكام حاجة نجحت الحمد لله
• – E-Commerce – ( Janjaa – Salebot – etc )
  – Advertising – ( GreyEG – Gawazah Agency – Genz Network )
  – Shipping Companies – Partner & Marketing Manager @ Oubi
  – Courses Center – Marketing Manager @Light Area
  – ERP Systems -based on AI to manage ECOM Stores @TAJR
  – Education Apps – Independent Affiliate @ Noon Academy
  – Automotive – Like Bllya ( Which get featured in all newspaper )
  – Manufacturing – Like ( Light Corner – HandinHand )
• وطبعاً في اثناء رحلتي الكثير من ” العمل الحر ” لأن اكيد كل التجارب اللي فشلت دي مصرفتش عليها من فراغ ، لكن استهلكت موارد كتيير وممكن تكون محققتش العائد المطلوب منها
• وحالياً بسعي ” للدخل السلبي ” ، الا وهو الدخل الغير معتمد علي وقتك لكنه معتمد علي القيمة اللي انت بتقدمها ، بتصنع منتج او بتأسس مشروع وبتسيبه يعتمد بعد كدة علي نفسه ويحققلك عائد بدون وجودك ، وبالمناسبة بسبب النقطة دي انت بتقرأ الكلام ده دلوقتي ، لأن الكورس ده هو واحد من تطبيقات الدخل السلبي 

وتفاصل اكتر هتلاقيها في لينكد ان ، عن طريق الضغط علي هنا ، اتشرف بمتابعتك

• مهارة الجرافيك ديزاين ، هتطلع بيها تصاميم جرافيك احترافية في كل الانوع بداية من اللوجوهات للمينيوهات لبيزنس كارد لكافة اشكال التصميمات المختلفة
• تصميم المواقع باستخدام الوردبريس ، ومن خلالها هتقدر تصمم مواقع احترافية لعملائك في اقل وقت وبأعلي جودة ممكنة
• الايميلات الاحترافية وادارتها واحدة من اقدم احتياجات كل بيزنس والي الان عليها طلب حقيقي ومستمر
• التسويق الالكتروني باستخدام تيكتوك ، والميديا باينج في العموم ، اللي ابتدي دورها يزيد مع كل اشكال المشاريع الحالية
• صنع وتصميم الكورسات وبيعها ، بكافة المراحل والطرق وشرحها خطوة بخطوة
• الافلييت ماركتنج ، او التسويق بالعمولة المستوي صفر ، وشرح لأبسط شكل ليه متواجد في السوق حالياً
• الافلييت ماركتنج مستوي متقدم ، وكيفية الربح من مجال بيع ” الاستضافات ” وكسب عمولة تصل لآلاف الجنيهات
• كيفية بيع ” خدمات السوشيال ميديا ” بطريقة سهلة ومميزة ” واتوماتيكية “
• كيفية مونتاج / تصميم / انتاج الفيديوهات – الكورسات بأستخدام الذكاء الاصطناعي بأقل جهد وبأقوي فاعلية
• كيفية تحويل المهارات اللي هتتعلمها في خلال الكورس ده لمشاريع الكترونية اونلاين تحقق لك العائد المطلوب بدون استثمار وقتك مرة اخري
• عرض اكثر من 5 افكار لمشاريع اونلاين تستطيع بدئها من الأن ، عليها طلب كبيير ، مع عرض نماذج لمشاريع فعلية بأستثمارات مليونية وكيفية تنفيذها بتكلفة بسيطة جداً

بلأضافة اني

•  بشاركك بأسراري اللي خلتني اكسب آلاف الدولارات ” ومعظمهم هيبقي قدامك عملي ولايف معاك خطوة بخطوة “
•  هبدء معاك من خطوة التسجيل علي منصات العمل الحر
• لكيفية استلام اموالك من هذه المواقع
• مروراً بكيفية الحصول علي عمل في هذه المواقع ، وكيفية التواصل مع العميل ، وتريكات وافكار تاخد بالك منها