للأسف ده مش كورس، لكن

تجربة ” عملية ” بعملها قدامك او عملتها وبشرح لك بالتفصيل انا و ٥ اشخاص مختلفين يعتبرو حيتان في مجالاتهم خطوة بخطوة ، بدون ترتيب او تظبيط او رغي ، فقط بفتح الكاميرا وبصورلك شاشة اللابتوب وبكسب فلوس

فبالتالي انت مش بس هتتعلم المهارة وهتاخد الادوات اللي بتنفذها اللي ثمنها الاف الجنيهات بلا اي مبالغة ” لكن بتتعلمها في إطار اني ببيعها , وده اللي للأسف مش بيتم الاهتمام بيه في كل الكورسات الاونلاين ، او معظمها على الأقل

واللي انا شايف انه اهم – علي الأقل في البداية – لأن الفلوس هي ” البنزين ” اللي بيخلينا نكمل ونستمر ونتعلم ، وده اللي يودينا لواحد من أهم اقتناعاتي ( قبل ما تتعلم الحاجة، بيعها الاول وبعدين اتعلمها, ولو استمريت في بيعها، غصب عنك هتطور ومستواك هيزيد وهتكسب فلوس اكتر – الا لو ناوي تنصب على الناس )

لكن تغطس ( 6 شهور – سنة – سنتين ) بحجة انك بتاخد الكورس ” الفولاني ” المكثف اللي هيخليك خبير ويعلمك تنتوفة تنتوفة في اثناء ما انت وراك التزامات وطلبات ضاغطة عليك ومعندكش دخل يكفيك ويكفي بيتك ومتأكدتش اصلاً  ان في سوق للي انت بتتعلمه ده

عمري ما شوفت ده منطقي ولا هشوفه في المستقبل