الدعم الفني لكورس السبوبة سوا

الدعم الفني ( ٢٤ ساعة - ٧ ايام اسبوعياً )

الدعم ده بيتقدم عن طريق نفس طريقة اشتراكك في الكورس ( الطريقة اللي ارسلت بيها ايصال دفع اشتراكك اول مرة ) سواء كانت ( ماسنجر - تيليجرام - انستاجرام ) - 

وهو مسئول لحل مشاكل زي (

١-

اي صعوبات بتواجهك انك تشوف الكورس عن طريق موقعنا الالكتروني سواء الويب سايت مش شغال معاك او الفيديوهات مش شغالة الخ

٢-

اي صعوبات بخصوص تفعيل اشتراكات الادوات المدفوعة 

٣-

اي مساعدة او اي مشكلة بتمنعك انك تتابع جروبات التيليجرام بأي شكل 

٤-

اي تفاصيل مالية او مشاكل بخصوص اشتراكك في الكورس ) 

دعم جروبات التيليجرام - محتوي الكورس ( ١٨ ساعة يوميا - ٧ ايام اسبوعياً )

الدعم ده مختص بالمساعدة والاجابة علي اي اسئلة بخصوص محتوي الكورس نفسه وهو مكون من عدة طبقات من الدعم هدفها توفير اكثر من مصدر للمعلومة لتسهيل وتسريع وصولك للمعلومة اللي بتسأل عنها وهو مكون من :

١-

المساعد الذكي بالذكاء الاصطناعي وده بيرد عليك في جروب نقاشات السبوبة سوا ببعض الاجابات المبرمجة بناء علي برمجتنا ليه وتحديثنا لقاعدة بياناته بشكل مستمر ويومي  وهدفه الاول هو الاجابة عن معظم الاسئلة المكررة واللي هي بتمثل ٤٠٪ من الأسئلة اللي بتجيلنا بشكل يومي ( متوسط مده الرد : ١-٣ ثواني )

٢-

مشتركين مجتمع السبوبة سوا وهما المشتركين العاديين زيك بظبط اللي غالباً واجهو مشكلتك قبل كدة وبيساعدوك باجابتهم .. وبيتم فلترة الاجابات في دقائق لترك ما هو مفيد وحذف كل ما هو غير مفيد واجابتهم فقط هتلاقيها في جروب نقاشات السبوبة سوا ( متوسط مده الرد : ٣-٦ دقائق  )

٣-

فريق #نجوم السبوبة سوا واللي هتلاقي جنب اسمهم العلامة دي ومعظمهم ناس وصلت لأول دولار اونلاين ومتخرجين من السبوبة سوا وغالباً كسبو مرة او اكتر في مسابقتنا لأكتر الاشخاص اللي بتساعد علي الجروب وهما بيشاركو خبرتهم وبيساعدو غيرهم زي ما اتساعدو وهما في بداية الكورس وهتلاقي اجابتهم اما في جروب نقاشات السبوبة سوا / جروب اسئلة السبوبة سوا ( متوسط مده الرد : ٣-٦ دقائق  )

٤-

فريق السبوبة سوا وهما فريقي اللي انا مدربهم بنفسي واللي بيستخدمو اجاباتي بشكل مستمر وبيراجعوني في كل اجابة بيتم نشرها علي جروبات السبوبة سوا واجاباتهم بتكون مجمعة لعدة اجابات سابقة وشرح تفصيلي للنقطة اللي بيتم الاستفسار عنها ( متوسط مده الرد :٥-١٥ دقيقة  )

٥-

انا صديقك محمد هلال مؤسس السبوبة سوا واللي بجاوب دايماً علي اي سؤال سواء بنص / صوت / فيديو شرح علي اي سؤال لم يتم الرد عليه  بأي شكل من ال ٤ درجات للدعم السابقة ( متوسط مدة الرد : ٢٤ ساعة )

وبالطريقة دي بنضمن اننا نجاوب يومياً علي اكثر من ١٠٠٠ سؤال من اكتر من ١٥ الف مشترك بنجاوب عليهم يومياً في متوسط مدة لا تزيد عن ال ٣٠ دقيقة في معظم الحالات 

المتابعة اليومية لمدة ٩٠ يوم

تم الاعلان عن المتابعة اليومية في شهر ابريل من سنة ٢٠٢٣ وتم الاعلان مبدأياً عن متابعة مدتها اسبوع واحد وتم زيادة تراكات المتابعة لغاية اما وصلت بنهاية سنة ٢٠٢٣ لحدود ال ٩٠ يوم الحمد لله وهدفنا فيها هو التطبيق لأن الفيديوهات مليانة اونلاين .. ومفيش كورس في السوق كله بيتابع المشتركين وبيتأكد انهم بيطبقو .. فعشان كدة عملنا المتابعة اليومية اللي بتتم علي التيليجرام في محادثة مع متحدث آلي مدعوم بدعم فني بشري بنسميه ( الكوتش جيمي ) تم برمجته انه يومياً يبعت لمشتركينا شرح لنقطة معينة عبارة عن عدة رسائل بيوصل اطول يوم فيها لأكتر من ٤٠ رسالة ولأقصر يوم في حدود ال ١٠ رسائل اللي بيتبعتو ورا بعض بلأضافة لواجبات بيتم طلبها لضمان التطبيق وبالتالي ضمان اقصي استفادة من الكورس واحياناً بدخل اراجع علي شغل مشتركين الكورس بنفسي او من فريق وببعت فويس نوتس لمتابعة المشتركين انهم يشتغلو ويكملو

تراكات الكوتش جيمي الموجودة حالياً بتتقسم لجزئين اولهم تراك بيعلمك مهارة معينة وثانيهم تراك بيخليك تطبق علي المهارة دي عشان تكسب من وراها فلوس

١- تصميم الجرافيك : واللي فيه بنمشي معاك خطوة بخطوة للتطبيق علي كانفا بداية من حصولك علي الاداة نفسها بشكل مجاني لغاية اننا نوصلك تطلع شغل مبهر وبتخليك تجرب اكثر من نوع للشغل اللي غالباً بيبقي مطلوب من الشركات علي مواقع الفريلانس

٢-تصميم الويب : وفيه بنشرحلك خطوة بخطوة ازاي تقدر تصمم موقع احترافي باستخدام الوردبريس واليمنتور برو بشكل احترافي لغاية اما تطلع شغل قابل للبيع علي مواقع الفريلانس

٣-تصميم فيديوهات الوايتبورد : واللي فيه بنستخدم اداة فيديو سكرايب عشان نطلع فيها فيديوهات احترافية بجودة عالية عشان نقدر نبيعها علي مواقع الفريلانس للعملاء المصريين والاجانب

٤- انتاج فيديوهات يو جي سي: ( رفيوهات المنتجات والخدمات ) بطريقة ذكية قادرة انها تنتج فيديو قوي قابل للاستخدام في الاعلانات الممولة لأي عميل وقادر علي تحقيق نتائج قوية ان شاء الله 

وبعدين تراكات التطبيق علي المهارة وازاي نقدر نبيعها زي 

١- تراك التسويق بالعمولة للكورس : وفيه وفي خلال اسبوع واحد هتكون قادر ان شاء الله علي الحصول علي اول عمولة ليك من التسويق لكورس السبوبة سوا

٢- تراك الفريلانس : واللي فيه بنطبق معاك علي معظم مواقع الفريلانس المشهورة زي مستقل وخمسات وفريلانسر دوت كوم وفايفر واب ورك في مدة ٢٠ يوم ان شاء الله هتبقي قادر تجيب عملاء من المواقع دي وهتتعلم كل تفصيلة بخصوص الموضوع ده

٣- تراك برا الفريلانس : الفلوس الاونلاين مش منصات فريلانس بس .. فيه طرق كتيير تقدر من خلالها تجيب عملاء ليك ولشغلك وتبيعهلهم بعيد كل البعد عن مواقع الفريلانس التقليدية

٤- تراك المايند سيت : وفيه انا ولا بعلمك محتوي فريلانس او شرح اداة معينة ولكن بشاركك طريقة تفكير مهم تبقي عندك لو ناوي تكمل في موضوع انك يبقي ليك دخل دولاري اونلاين وهو مدته اسبوع فقط ولكن صدقني طريقة تفكيرك قبله مش زي بعده تماماً