GPTجيمي

هو احدث طبقة للدعم الفني .. بمجرد ما جربت شات جي بي تي من سنة وشوفت امكانياته ودرست الموديلات اللغوية اللي هي الطريقة اللي الذكاء الاصطناعي بيشتغل بيها .. كان حلمي انا وفريقي واحنا بنجاوب علي كل سؤال واحد منكم هو تخزين كل الأسئلة دي في عقل الذكاء الاصطناعي لأننا في الاول والاخر اعمارنا محدودة وفي يوم وجودنا هينتهي .. بس بالطريقة دي حتي لو حصلي حاجة .. انت برضو هتعرف تدخل وتسأل ذكاء اصطناعي ذاكر علي مدار اخر سنة كل اجابة من اجاباتي ويقدر يجاوبك بنفس طريقتي واسلوبي ومعلوماتي وكمان بيتعلم كل يوم منكم ومن اجابتكم 

والجميل ان مع كل اجابة جديدها بنجاوبها في التيليجرام .. الذكاء الاصطناعي ده بيبقي اذكي وعنده معلومات اكتر .. فبالتالي صنعنا ١٠ موديلات للذكاء الاصطناعي ده .. كل واحد خبرة في مهارة معينة من المهارات اللي بنشرحها في الكورس بداية من تصميم الجرافيك و الويب لغاية طرق استلام الارباح .. هل هو دلوقتي اذكي حاجة ؟ لا طبعاً لكن مع كل يوم هيبقي اذكي وهيفهم اسئلتك بشكل افضل واحسن .. فبالتالي هبقي مطمن ان لما يجي علي بالك سؤال هتلاقي اجابته بعد حرفياً ثانيتين وده مهما جبت في فريق دعم فني " بشر " مش هيعرفو يوصلو للسرعة دي .. لكن التحدي الاقوي قدامنا هو دقة المعلومات المقدمة وانه يساعدك بجد مش مجرد يرد عليك .. ده غير اننا بنحاول نخليه يفهم الصوت والصور والفيديوهات ووقتها هنبقي قفلنا اللعبة وهنقفلها زي ما بنقفلها دايماً ان شاء الله

ازاي تقدر تستخدمه ؟

لو اتفرجت علي اي محاضرة في الكورس .. هتلاقي ايقونة تحت الفيديو علطول ( وعلي حسب الشابتر اللي انت فيه هتلاقيه ذكاء اصطناعي متخصص في المهارة دي بيعرض عليك المساعدة لو عندك اي سؤال ) .. فبالتالي وانت بتتفرج علي اي محاضرة تقدر تفتحها علطول وهيتفتح معاك شات تقدر تتواصل مع الذكاء الاصطناعي بشكل مباشر وتعرض عليه اي سؤال علي بالك